વલસાડ : ડૉક્ટર હાઉસ ખાતે મ્યુકરમાઇક્રોસિસ દર્દીના જડબા ઇમ્પલાન્ટની જિલ્લામાં પ્રથમ સફળ સર્જરી

 

વલસાડ જિલ્લામાં આ પ્રકારે જડબામાં લાગેલા બ્લેક ફંગસના પ્રથમવાર મ્યુકરમાઇક્રોસિસથી પિડાતા દર્દીના ઉપરના ભાગના જડબાને સડો લાગી રહ્યો હતો.આ દર્દીથી આહાર કે ખોરાક ખવાતો ન હોવાથી તેની જિંદગી પર દાવ લાગી ગયો હતો.આટલું ઓછું હોય તેમ જડબું ખવાઇ જતાં આ દર્દી બોલી પણ શકતો ન હતો.જેનાથી પરિવારજનો ભારે આઘાતમાં હતા.

આ બિમારીના નિદાન માટે દર્દીને વલસાડના ડોકટર હાઉસમાં ઝેનિથ હોસ્પિટલમાં દાખલ કરાયો હતો.જ્યાં ડો.નિલેશ મોદી અને ડો.મિલન ફળદુની ટીમ દ્વારા તેની સર્જરી હાથ ધરવામાં આવી હતી.જેમાં દર્દીના મોઢાંના ઉપરના ભાગના જડબાનું ઇમ્પ્લાન્ટ કરી સફળ ઓપરેશન કરી દર્દીને નવજીવન મળ્યું છે.બ્લેક ફંગસ કોરોનાથી સાજા થતા દર્દીઓમાં જોવા મળે છે.જેથી આવા દર્દીઓએ ખુબ કાળજી લેવાની રહે છે તેવું ડોક્ટર હાઉસના તબીબોએ જણાવ્યું હતું.