વલસાડમાં પારનેરા હાઇવે ઉપર વાહન ચેકીંગ દરમિયાન કારમાંથી 61કિલો ગાંજાનો જથ્થો ઝડપાયો

 

વલસાડ રૂરલ પોલીસની ટીમ બુધવારે રાત્રે પારનેરા હાઇવે ઉપર વાહન ચેકીંગ કરી રહી હતી. જે દરમ્યાન સુરત તરફ જતી એક કારને અટકાવી તપાસ કરતા કારની ડીકીમાં ચોરખાનમાંથી 61 કિલો ગાંજાનો જથ્થો મળી આવ્યો હતો. જેથી રૂરલ પોલીસે FSLની ટીમની મદદ મેળવી 61 કિલો ગાંજાના જથ્થા સાથે 2 ઇસમોની ધરપકડ કરી હતી.

મળતી વિગત મુજબ વલસાડ જિલ્લામાં મધ્યપ્રદેશના રાજ્યપાલ મંગુભાઇ પટેલના ધરમપુર બરૂમાલ ખાતે સન્માનના કાર્યક્રમને લઈને જિલ્લામાં પોલીસે વાહન ચેકીંગ હાથ ધર્યું હતું. વલસાડ રૂરલ પોલીસની ટીમે પારનેરા હાઇવે ઉપર વાહન ચેકીંગ હાથ ધર્યું હતુ. જે દરમ્યાન સુરત તરફ હતી એક કાર ન. MH-48-A-5686ને અટકાવી કારમાં ચેકીંગ હાથ ધર્યું હતું. કારની ડીકીમાં સ્પેરવ્હિલ મુકવાની જગ્યાએ એક ચોર ખાનું પોલીસે ઝડપી પાડ્યું હતું. ચોર ખાનામાંથી સૂકી વનસ્પતિ મળી આવી હતી

વલસાડ રૂરલ પોલીસની ટીમે તાત્કાલિક વલસાડ FSLની ટીમની મદદ મેળવી રૂરલ PSL LG રાઠોડની ટીમે તપાસ હાથ ધરતા ગાંજાનો જથ્થો હોવાનું FSLની ટીમે પ્રાથમિક તપાસમાં જણાવ્યું હતું. PSL LG રાઠોડની ટીમે 61 કોલો ગાંજાના જથ્થા સાથે 2 ઇસમોની અટકાયત કરી છે. રૂરલ પોલીસે પ્રાથમિક પૂછપરછ કરતા ઓડીસાથી ગાંજાનો જથ્થો સુરત આપવા જઇ રહ્યો હોવાનું જણાવ્યું હતું