હવે, વોટ્સએપ વેબ પરથી પણ કરી શકાશે વોઈસ અને વિડીયો કોલ

 

ફેસબુકની માલિકની ઈન્સ્ટન્ટ મેસેજિંગ એપ વોટ્સએપના ડેસ્કટોપ વર્ઝનમાં આગામી વર્ષથી વોઈસ અને વિડીયો કોલિંગની સુવિધા પણ મળશે. કંપનીના પ્રવક્તાએ સમાચાર એજન્સી રોયટર્સને આ જાણકારી આપી છે. ઉલ્લેખનીય છે કે, ગત ઘણા સમયથી વોટ્સએપ વેબમાં વોઈસ અને વિડીયો કોલિંગ ફીચર આવવાના અહેવાલ આવી રહ્યા હતા. તાજેતરમાં જ કેટલાક બીટા યૂઝર્સને આ ફીચર રોલઆઉટ થયાની માહિતી સામે આવી છે.

વોટ્સએપ વેબમાં વોઈસ અને વિડીયો કોલિંગ ફીચર આવ્યા બાદ તે કોન્ફ્રન્સિંગ એપ ઝૂમ અને ગૂગલ મીટને ભારે ટક્કર આપશે. ઉલ્લેખનીય છે કે, દુનિયાભરમાં 2 અબજથી પણ વધુ લોકો વોટ્સએપનો ઉપયોગ કરે છે. વોટ્સએપે કહ્યું કે, રજાઓની સીઝનમાં ટ્રાયલ બેઝિસ પર કેટલાક ડેસ્કટોપ યૂઝર્સ માટે આ ફીચર પહેલા જ આપવામાં આવી ચૂક્યું છે. સૌથી પહેલા ટેક બ્લોગ WABetainfoએ આ જાણકારી આપી હતી.

જણાવી દઈએ કે, કોરોના વાયરસ મહામારીને પગલે દુનિયાભરમાં મોટાભાગના લોકો ઘરેથી કામ કરી રહ્યા છે. મિત્રો અને પરિવાર સાથે વાતચીત પણ ઈન્ટરનેટ દ્વારા થઈ રહી છે. એવામાં મોટી સ્ક્રીન પર વોટ્સએપ પર વિડીયો અને વોઈસ કોલનું આવવું મોટી વાત હશે.

ઝૂમ વિડીયો કોમ્યુનિકેશન્સ ઈન્કએ શુક્રવારે કહ્યું કે, કંપની હોલિડે સીઝન દરમિયાન બધી ગ્લોબલી મીટિંગ માટે ફ્રી અકાઉન્ટ માટે 0 મિનિટ ટાઈમ-લિમિટને હટાવી રહી છે. એ જ રીતે ગૂગલ મીટે પણ કહ્યું કે, ફ્રી યૂઝર્સ માટે માર્ચ સુધઈમાં 60 મિનિટની લિમિટેડ કન્વર્સેશન નહીં થાય, પરંતુ અનલિમિટેડ ટાઈમ લિમિટ મળશે.